1 Եկէք ու ետ դառնանք Տիրոջ մօտ, որ ա նա պատառեց, եւ բ նա էլ կ’բժշկէ մեզ. Նա զարկեց, նա էլ կ’պատէ մեզ։ 2 Նա մեզ կ’կենդանացնէ երկու օրից յետոյ, երրորդ օրը նա մեզ կ’կանգնեցնէ, եւ մենք կ’ապրենք նորա առաջը։ 3 գ Եւ կ’ճանաչենք, եւ էլ կ’հետեւենք ճանաչելու Տիրոջը, դ արշալոյսի պէս պատրաստ է նորա ելքը, եւ ե նա պիտի գայ մեզ համար զ անձրեւի պէս, վերջի անձրեւի պէս որ ոռոգում է երկիրը։
4 է Ի՞նչ անեմ քեզ, ով Եփրեմ, ի՞նչ անեմ քեզ, ով Յուդա, որ ձեր բարութիւնը ը առաւօտեան ամպին պէս է, եւ վաղահաս ցօղի նման է որ անցնում է։ 5 Նորա համար տաշեցի թ մարգարէներովը, ժ նորանց սպանեցի իմ բերանի խօսքերովը, եւ քո դատաստանները դուրս կ’գայ իբրեւ լոյս։ 6 Որովհետեւ ի ողորմութիւն եմ ուզում եւ լ ոչ թէ զոհ, եւ խ Աստուծոյ գիտութիւն՝ քան թէ ողջակէզներ։ 7 Բայց նորանք ծ Ադամի պէս կ ուխտը զանց են անում, այնտեղ հ ինձ անհաւատարմութիւն արին։ 8 ձ Գաղաադը անօրէնութիւն անողների քաղաք է, շաղախուած է արիւնով։ 9 Աւազակները մարդի ետեւից դարան մտնելու պէս ղ քահանաների խումբը Սիւքեմի ճանապարհումը մարդիկ են սպանում, եւ եղեռնագործութիւն անում։ 10 Իսրայէլի տանը ճ սոսկալի բաներ տեսայ, այնտեղ է մ Եփրեմի պոռնկութիւնը, Իսրայէլը պղծուեցաւ։ 11 Քեզ համար էլ, ով Յուդա, յ մի հունձք կայ, ն երբոր ես ետ կ’դարձնեմ իմ ժողովրդի գերութիւնը։
Ովսե 6